الشاكرية ..

والشاكرية من الاكلات المعروفة بالمطبخ السوري وهيي اكلة لبن مطبوخ وبصراحة مو كتير سهلة للي ما بيعرف يطبخ اللبن لكن مع التجربة ( ورمي الطبخة اكثر من مرة بالزبالة )الاما تظبط بالاخر
يالله وعلى بركة الله
المقادير : 2 كيلو لبن
3ملاعق اكل نشاا نذوبهم بكأس ماء
نص كيلو لحمة بعظمها (لازم العظم بدون العظم ما بتطلع طيبة)
بصلة مقطة الى ارباع كبيرة
ملح والقليل من الفلفل
واذا فيه فلفل ابيض بيكون احسن
الطريقة :
تسلق اللحمة في قدر مع اضافة البصلة والملح والفلفل (وتشا ل الزفرة من على الوجهه ) لحد ما تستوي تمام
بعدين بنحط اللبن على نار بقدر مو تيفال لأنو اذا تيفال بتخرب الطبخة وبيخرب القدر
وبعدين بنضيف النشااا المذوب بالماء عليها ونبدأ بالتحريك المستمر
يعني نجلس فووق رااسها واذا بملعقة الخفق بيكون احسن
لحد ما تبدأ بالغليان البسيط يعن تبدأ تظهر فقاعات بسيطة من اللبن بنحسه صار سميك شوي مومشلكة بعيدن
بنجيب مرقة اللحمة المستوية وبمغرفة بنحط شوي شوي عليهاا شي 5مغارف مليانة وتطبخ شوي معهم بعدين بنضيف اللحمة المسلوقة ويطبخواا كمان شوي مع بعض
ويقدمواا بالهناء والعافية مع ارز مفلفل او مع البرغل

يا الله شو بحبها للشاكرية
من أكلاتي المفضلة
يسلمو دياتك قلبي ع الوصفة
تقبلي مروري

بدي انت تطبخيها وناخذ رأي غيرك بطبخك
لانك شاطرة بكل شي

يا عينييييييي
مافي اطيب منهاا
يسلمووووووووووووووووووو